ZIRUDELA della settimana                                     25/02/99          N.R.n°13 del 07/03/99

Rubrica a cura di Roberto Zerbini e Sergio Vecchietti

 

BOLOGNA  - EMPOLI   2 - 0

A i vèn l'Empoli e a's fa i cont

ed'fer d'la làggna e pò anch' tri pont

ed infati, anch' se lòur

i àn cambiè l'allenadòur,

pur còn un po' ed dificultè

e parfen un rigòur paré,

a la lònga e con la Klaas

avàn mess in tèvla l'às...

e spedè a cà tot i Empolis

con dou pàir in dla valis!

 

PIACENZA  -  BOLOGNA   5 - 0

La partida còn al Piaciànza

la s'ha fat gnir mel la pànza

chi s'aspteva da lour lè

ed ciapèr 'na pèga acsè?

con i penultum in graduatoria

al Bulàgna al và in d'la storia:

zènq a zer, quatar rigur,

e a sèn sobt'avanzè al bur...

Avan pèrs soul 'na batàglia,

sampr'avanti e....gnènt s'incaglia!

A speràn d'arfer's incù

co' i ragàz in rossoblu.

I èn discrèt qui dal Venezia,

mò què a iè 'na meza Svezia....

----------------------------------------------------------------------------------------------

 

La "Zirudela" da collezionare                       15/03/99          N.R. n°14 del 21/03/99

Rubrica a Cura di Roberto Zerbini e Sergio Vecchietti

BOLOGNA - VENEZIA  2 - 1

Dop avair pugiè trài zris

anc ai nostr'amig franzis

l'è la vòlta ed Novellino,

(bello, giovane e bravino).

Al Venezia, còn in d'la tèsta

al vuièn d'féres la festa,

co' al regal d'un rigurén

l'é riusé ad'andèri avsèn;

mò i bulgnis, chi àn dù "balòn"

chi èn piò dur che dù fitòn,

à l'assèlt c'mé di adanè

i'àn arzònt e surpassè.

Acsè i vènet  i'an capè

che bròtt'aria ai tira què!

 

FIORENTINA - BOLOGNA  2 - 2 (dts)

(COPPA ITALIA)

Trapatòn e i fiurintèn

i s'l'èn fàta in di braghèn

parchè i s'èran ciapè pòra

che 'l Bulaggna 'li fèss fòra.

Un rigòur chi s'àn neghè

l'è ste' qual ch'al sà freghè

...e chi tir fòra d'un smàss..

ragazù: grazia li'stàss!

 

ROMA - BOLOGNA  3 - 1

Al s'rà al sabet c'pòrta sfiga,

o piòtost dòu our d'fadìga,

o al pensir d'cum l'è finè

la partida dl'ètar dé.

La stufisia, agli espulsiòn

e la tésta c'l'é a Liòn,

a i'è pòc da stér aligar:

anc a Ròmma i s'an fat nigar.

----------------------------------------------------------------------------

 

ZIRUDELLE da collezione 

Rubrica a cura di Roberto Zerbini e Sergio Vecchietti               12/04/99  N.R.n°15 del 17/04/99

BOLOGNA - VICENZA    4 - 2

Arcurdèndas che in pasè

'na quàilc vòlta i sl'àn sunè,

i sperèvan, un brislèn,

ed purtér a cà un puntlèn.

Mo Anderssòn e cumpagnì

co' al sò avàir i'èn spedè indrì...

quatar gnùc, frètt a puntèn

in dal sac di vicentén!

 

PERUGIA  -  BOLOGNA   0 - 0

Perugén, dév bàn 'na mòsa,

lè a'iè un pèl cl'è ànc drì c'al scòsa,

cuntintèv d'avàir parzè

con 'na squèdra disastré!

 

JUVENTUS  -  BOLOGNA  2 - 2

A's pensèva che a Turèn

contr'ai nobil juventen,

a srèn stè scunfétt sicur,

sanza zénq , sì zugadur.

Mo' al Bulàggna, énc s'l'ha di guai,

al cumbàt, an's'arànd mai

e un paràzz, sanz'étar giost

i l'èn uttgnò, però....che gost...

se Marocchi, in cl'uccasiòn,

l'avèss mèss dantr'al balon!

 

---------------------------------------------------------------------------------------------------------

 

SPECIALE COPPA UEFA                                      N.R. n°16 del 20/04/99

LIONE  -  BOLOGNA  2 - 0

Al Lyon, inscalmanè,

al spinzeva da tòtt i lè..

"Mò lour lè i per'n'in trì 'd piò.."

còn un po' d'pora a gévan nò!

Ma i ragàz in ross e blu,

dop avàiran ciapè dù,

i'an lutè cmè òng leòn

pr'an fèr piò paser inciòn

obiettìv arzont in gloria

lour par prem i van in d'la storia!

 

OLYMPIQUE MARSIGLIA - BOLOGNA  0 - 0

Al surtàgg, qui dal Marsèglia,

i ern'in pina sguzuvèglia...

"...a zugan co'i ragazù

chi àn la maia rossoblu..."

e po' invézi Ravanél,

co'i cumpàgn l'é vanzè mél

e si vol'n ésar sinzér

i èn andè bàn co'l zer a zer!

 

RINGRAZIAMANT PR'UNA GRAN STASON

LA SQUEDRA

L'é sté un gròp meravigliòus

par chi dal Bulaggna l'è tifous

Sian riseruv o titolèr

a'iè pòc da sindacher:

i guàntan tòt brev ragazù

quand'indoss ian al ross e al blu.

----------------------------------------------------------------------------------------------------------

 

DA COLLEZIONARE                                                        26/04/99          N.R.n°16 bis del 2/05/99

La Zirudela  Rubrica a cura di Sergio Vecchietti e Roberto Zerbini

BOLOGNA - FIORENTINA   3  -  0

Sull'aria di "Serenate Fiorentine"                  Serenate Fiorentine

L'è prèmavàira,                                                      E' Primavera,

svegliati Fiorentina...                                           svegliatevi bambine...

Dàntr'al Dall'Ara te avò al to avàir                     alle cascine messer aprile

con trài beli pàir!                                                  fa il rubacuor!

E vérs la sira...                                                       E a tarda sera....

povera Fiorentina,                                                madonne fiorentine,

fra dù gol Ròss, on ed Bettaren                         quante forcine, si troveranno

a'gli stà a puntén!                                                 sui prati in fior!

Fiurén ed nus,                                                       Fiorin di noce,      

a iè pòca  lus mò a iè tànta pès....                      c'è poca luce ma tanta pace...

venzr'al scudàtt?? Al n'è brisa al chès.             Baciar le piace, che male c'è.

L'é prèmavàira....!                                                 E' primavera...!

Rasàgnat Fiurintina!                                            Rassegnati Fiorentina!

 

SALERNITANA  -  BOLOGNA   4 - 0

Dòp la sfiga ed martedé,

un Bulàggna un po imbasté

l'ha zughé trop rilasè

e a Salerno i sl'àn sunè...

Quesi quesi, un po a sl'asptévan

che la prémma a la pirdèvan

mo énc sal'brusa ésar mèss fòra

testa drétta e pèt in fòra

che i tifus ién énc tòtt qué

dmèn, ragaz, l'é un ètar dé!

 

SPECIALE COPPA UEFA

BOLOGNA MARSIGLIA  1 - 1

L'è finè co'i marsiglìs

un insònni long dis mis...

Da fer gnir un azidànt

a pensèr a cal mumànt

ca s'è vest cal zugadòur

long e dstàis, e po'...al rigòur...

che ind'un atum l'ha scanzlè

qual ch'avévan meritè!

Mo ànc sa s'è gnò sò un magòn

cl'é piò gròs che né un balòn

grazie ed cor: squédra e Mazzòn!

------------------------------------------------------------------------------------------------

 

ZIRUDELLE da collezione  -                                               10/05/99          N.R. n° 17 del 16/05/99

Rubrica a cura di Sergio Vecchietti e Roberto Zerbini

BOLOGNA - CAGLIARI   1 - 3

Avénd sampr'in mànt c'la not

ca ciapén la péga e al bot

a sàn sàmpar par c'la stré,

un po sgònfi, e un po imbarlé.

Quant al ghémb ien cme l'arcòta

al balòn al pér c'al scòta

e acsé i sérd, cme di leòn,

i s'an dè tri scupazzòn.

Quant la srà pasé sta ràggna,

nò a sèn qué: forza Bulàggna!

 

LAZIO  -  BOLOGNA   2 - 0

I laziél, inscalmanè,

pèn d'argòi i sl'an sunè

mo al Bulaggna c's'è vest là

al n'è piò qual d'ot dè fà

e a s'prev dir cla s'è andé mèl            

con cal tir incòntr'al pèl...

sl'era sòul piò inzà dòu dida

a s'drizèva la partida!!

-------------------------------------------------------------------------

 

BOLOGNA - SAMPDORIA   2 - 2

Da Bulàggna, i sampdoriàn,

ien andè a cà arabé cme i càn...

I Bulgnis, long la stasòn,

ien ste piz che un'alluviòn.

Da dou Còpp i'àn cazè fòra

strapazèndi sànza pòra

e po dòp, par cumpimànt,

con cal gol dl'ultum mumànt...

che da in A 'li manda vì

drett cme un fus... in serie B!

 

INTER  -  BOLOGNA   3 - 1

Un Bulàggna un bel pò arpzè,

che ultmamént l'ha pers la strè.

Contr'un Inter che, puvrett,

quesi quesi, in'stàn gnénc drett,

da Milàn a sén gnò vì

dòp avàiran ciapé trì!

Un auguri!! In di sparézz

a speràn  che un po te d'drézz...

 

CONGEDO DIALETTALE                               25/05/99               N.R. n° 17 del 16/05/99

 

RINGRAZIAMENTO ROSSO E BLU (Rubrica a cura di Sergio Vecchietti e Roberto Zerbini)

Anche se l'anno non si sta chiudendo come avremmo tutti sperato, sarebbe ingeneroso non ricordare con orgoglio e ammirazione le epiche gesta della "Mazzone-band", destinate a restare scolpite come un marchio indelebile nella nostra memoria. Abbiamo voluto farlo così, alla bolognese, ultilizzando un linguaggio che per la sua genuinità ben si accosta allo spirito di questa squadra. A chi fosse in difficoltà con la lettura del dialetto, consigliamo di farvi aiutare dal vostro vicino, magari un po' più anziano di voi. Scoprirete di avere qualcosa in comune ed un amico in più. Buon divertimento e arrivederci alla prossima stagione...Fòrza Bulàggna!!

LA SQUEDRA

Pri Bulgnìs, pri su tifus

i'en stè tòtt meraviglius...

o riseruv o titolér

a'gnè gninte da scartér...

i'en tòtt brév sti ragazù

quant i'an indòss al rosso-blu...

e st'etr'an a s'ràn tòtt là

a cantèr, cme tànt an fà:

"Il Bologna è uno squadrone

che tremare il mondo fa'"

ANDERSSON K.

Un sturnèl, un cumbattènt

c'và sò un smass soura tòtt quènt...

ANTONIOLI F.

In d'la pòrta a'n s'pàsa mai

c'me s'ai fòss un predintài....

BETTARINI S.

Un bel zòuvan, bòn 'd'zughèr

...e una gràn bela muièr....

BIA G.

A s'fa prést a pronunziéral

piò difézzil l'è tribléral....

BINOTTO J.

Se par chés al t'scapa vì

gara dura tgniri drì....

BOSELLI N.

Còn i balòn ca si và ed tèsta

bàn e spàss al t'fa la fèsta...

BRUNNER A.

Se un purtìr a'n zuga mai

l'è sicur, par lò l'è un guài....

CAPPIOLI M.

O risèrva o titolèr

a's dà sàmpr'un gran daffèr....

KOLYVANOV I.

Anc s'l'è Ròss, al dè d'incù

al so còr l'é rossoblù...

ERIBERTO C.

A marchéral soul té e lò,

s'al t'va vì ta n'al ciap piò....

FONTOLAN D.

Un biundèn, mégar stransè

mo al balòn 'gli dà dal tè....

INGESSON K.

A tòtt càmp, s'ai n'é di bòn

a gli mòsga i sgarlatòn...

LUCIC T.

L'è arivé soul l'étar dè

dai Svedis l'é garantè....

MAINI G.

Dòp che al Milan al s'là imprasté

pian pianén al s'é ambienté...

MANGONE A.

In difàisa l'é un colòs

cum te t'mov t'le sempr'adòs...

MAROCCHI G.

Enc s'al n'é piò un ragazél

gréna fina in'dal zarvél...

NERVO C.

L'é turné dòp quàtar mis

sèmpar qual, svelt e dezis...

PAGANIN M.

L'è un atleta sfurtuné

spàss l'è ròtt, e un po sfighé...

PARAMATTI M.

Se ed scartéral a t'é riusé

al vol dir 'ti bòn anca té...

RINALDI A.

Chi sl'asptéva, arivé què,

cl'era un difensòur acsè...

SANCHEZ C.

Un franzàis, chi l'sà cum l'é?

al s'é ròtt dòp a dù dé...

SIGNORI G.

Ai purtìr, quant l'è lè avsén

un po ai tràmma al quaiarén...

SIMUTENKOV I.

Stra i bulgnis l'è cinulén

svélt c'me un gàt e caicadén...

TARANTINO M.

Bàn e spàss al zuga d'drì

l'ha un bél nes e dù bon pì...

MAZZONE C. (Allenatore)

L'é un Rumàn da l'ànum bòn,

testa lòstra e un po bruntlòn...

mò con lò e tòtt lour qué

a's sén propi divartè!

GAZZONI FRASCARA G. (Presidente)

Un bulgnàis, parsòuna séria

cal s'ha tòlt da la miséria

l'ha una squédra frizzantina:

cal'gli dia dl'Idrolitina?

------------------------------------------------------------------------------------------

 

Zirudela della settimana    Anno 99/2000                                          23/08/99

Rubrica a cura di Sergio Vecchietti e Roberto Zerbini

ZIRUDELA PAR L'AN NOV

Ment'ai sta finènd l'estèt

ai partéss al campionèt

e a turnèn a sufrìr, al stadio

o ènc a cà, taché le radio...

A cunfront còn l'an pasé

al Bulàggna l'è cambié

zert campion isn'en andè vì

mo ai n'è gnò etar du o trì!

Se San Locca al géss dabòn

e a gli dèss la so benziòn...

augurènd ai rosso-blu

ed cminzer a venzr'incù!

E acsé, al stadio, a s'prèv cantèr

cum a s'fèva tènt an fa:

" Il Bologna è uno squadrone

che tremare il mondo fa! "